Legjenda Adriano komenton Icardin: Do të përshtateshim mirë me të

20:42 | 24 Dhjetor 2018
Arbresh.info

Ish sulmuesi i Inter, Adriano, beson se ai dhe Mauro Icardi do të përshtateshin shumë mirë me njëri tjetrin.

Në një intervistë për “DAZN” braziliani ka kujtuar kohën kur ai paraqitej me Inter.

Ai ka thënë se aty ishte si një familje, duke përmendur Ronaldo Nazarion, Javier Zanettin dhe presidentin Massimo Moratti, si personat që e kanë ndihmuar shumë.

Por, braziliani është pyetur nga gazetari edhe për të tashmen e Inter, përkatësisht për kapitenin Icardi.

“Icardi është lojtar i mrekullueshëm dhe është ende shumë i ri. Ai dhe unë do të bënim një partneritet shumë të fortë” ka thënë Adriano për “DAZN”, transmeton lajmi.net.

Adriano gjithashtu ka thënë se nuk është pensionuar por është në një pauzë, pas së cilës mund të rikthehet në futboll, por vetëm në Brazil.

Shpërndaje në rrjete sociale

Lajmet më të lexuara

Të ngjashme

Foto lajm